پارلامەنت «تاۋەلسىزدىكتىڭ 25 جىلدىعى قازاقستان جەتىستىكتەرىنىڭ دەكلاراتسياسىن» قابىلدادى
«ەلىمىزدە جاھاندىق سىن-قاتەرلەرگە توتەپ بەرۋگە جانە بۇكىل قوعامنىڭ مۇددەلەرىنىڭ جۇزەگە اسىرىلۋىن قامتاماسىز ەتۋگە قابىلەتتى مەملەكەتتىك قۇرىلىمنىڭ ءتيىمدى جۇيەسىن قۇرۋعا مۇمكىندىك بەرگەن تاريحي ماڭىزدى ەكونوميكالىق جانە ساياسي رەفورمالار جۇرگىزىلدى.
تاۋەلسىزدىكتىڭ العاشقى كۇندەرىنەن باستاپ ەلىمىزدىڭ ساياساتى ۇزاق مەرزىمگە نەگىزدەلدى. قازاقستاندىقتاردىڭ ءال-اۋقاتى، ءومىردىڭ جوعارى ساپاسىنا جۇيەلى دە ماقساتتى ۇمتىلىسى، ونىڭ باستى ۇستانىمدارى بولدى جانە سولاي بولىپ قالا بەرەدى. قازاقستان الەمنىڭ باسەكەگە ەڭ قابىلەتتى ەلۋ ەلدىڭ قاتارىنا ەندى. الەمنىڭ ەڭ دامىعان 30 ەلىنىڭ قاتارىنا ەنۋدى ماقسات ەتىپ قويعان «قازاقستان-2050» ستراتەگياسى جاڭا سيپاتتاعى ستراتەگيالىق قۇجات بولىپ تابىلادى. مەملەكەت باسشىسىنىڭ «100 ناقتى قادام» بارشاعا ارنالعان قازىرگى زامانعى مەملەكەتتىك ۇلت جوسپارى الەمدىك قارجى جۇيەسىندەگى اسا جاعىمسىز قۇبىلىستارعا قاراماستان ەلىمىزگە ءوندىرىس پەن يننوۆاتسيانى، الەۋمەتتىك سالانى دامىتۋعا جانە جۇمىس ورىندارىن اشۋعا مۇمكىندىك بەرەدى»، - دەدى دەكلاراتسيا جوباسىن تانىستىرعان ءماجىلىس دەپۋتاتى قۋانىش سۇلتانوۆ.
سونىمەن قاتار، دەكلاراتسيا جوباسىندا قازاقستان يادرولىق قاۋىپسىزدىك رەيتينگىندە ەڭ قاۋىپسىز ەلدەردىڭ قاتارىنا كىرگەندىگى اتالىپ وتىلگەن.
«پرەزيدەنت ن. نازاربايەۆ قازاقستاندى ەلىمىزدىڭ ۇلتتىق مۇددەلەرىنە نۇقسان كەلتىرمەستەن يادرولىق قارۋسىز مەملەكەتكە اينالدىرۋ جونىندەگى تاريحي ماڭىزدى مىندەتتى شەشە ءبىلدى. 1991-جىلعى 29- تامىزدا ەلباسى سەمەي يادرولىق پوليگونىن جاپتى. قازاقستان پرەزيدەنتى ءوز ەلىنىڭ عانا ەمەس، سونداي-اق بۇكىل ادامزاتتىڭ تاعدىرى ءۇشىن وزىنە جاۋاپكەرشىلىك الا وتىرىپ، الەمدىك دەڭگەيدەگى ساياساتكەر رەتىندە تانىلدى. سەمەي پوليگونىنىڭ جابىلۋىمەن يادرولىق قارۋدى تاراتپاۋ جانە قارۋسىزدانۋدىڭ جاھاندىق پروتسەسىنىڭ جاڭا كەزەڭى باستالدى»، - دەدى سۇلتانوۆ.
اۆتور: مارلان جيەمباي