اۋدان مەن قالا اكىمدەرىن سايلاۋعا 2,2 ميلليارد تەڭگە ءبولىندى
«بۇل ناۋقانعا رەسپۋبليكالىق بيۋجەتتەن قاراجات بولىنبەيدى. «سايلاۋ تۋرالى» كونستيتۋتسيالىق زاڭنىڭ 33-بابىنا سايكەس، قاراجات جەرگىلىكتى بيۋجەتتەن بولىنەدى. بۇگىنگى تاڭدا وڭىرلەردىڭ ءماسليحاتتارىنىڭ شەشىمدەرىمەن 2,2 ميلليارد تەڭگە ءبولىنىپ وتىر»، - دەدى ءسابيلا مۇستافينا ورتالىق سايلاۋ كوميسسياسىنىڭ وتىرىسىندا ب ا ق وكىلدەرىنىڭ ساۋالىنا وراي.
دەگەنمەن، ونىڭ اتاپ وتۋىنشە، بۇل - بۇگىنگە دەيىن بەلگىلى بولىپ وتىرعان سوما. الداعى ۋاقىتتا ول وزگەرۋى دە مۇمكىن. ويتكەنى، كەيبىر وڭىرلەردىڭ اۋماقتىق سايلاۋ كوميسسياسى ءماسليحاتتان قوسىمشا قاراجات سۇراپ وتىر.
ەستەرىڭىزگە سالا كەتسەك، 17 وبلىستىڭ ءماسليحاتتارى پيلوتتىق رەجيمدە سايلاۋ وتكىزۋ ءۇشىن 45 اۋدان مەن وبلىستىق ماڭىزى بار قالالاردىڭ تىزبەسىن بەكىتتى. ونىڭ ىشىندە 3 قالا جانە 42 اۋدان بار. سايلاۋ 5- قاراشادا وتەدى.