ون جاستاعى قىزدىڭ ولىمىنە سەبەپشى بولۋى مۇمكىن 10 تۋىسقانى قاماۋعا الىندى
بۇل تۋرالى Mirror حابارلادى.
سارانىڭ ءمايىتى ءبىر اي بۇرىن ءوز ءۇيىنىڭ ماڭىنان تابىلعان بولاتىن. سوت-مەديتسينالىق تەكسەرۋ كەزىندە 10 جاستاعى قىزدى الدەبىرەۋلەر ۇرىپ-سوققانى بەلگىلى بولدى. قايعىلى وقيعادان سوڭ سارانىڭ اكەسى مەن وگەي شەشەسى ۇلى بريتانيادان قاشىپ كەتكەن. قازىر پوليتسەيلەر ولاردى ىزدەستىرىپ جاتىر.
پوليتسەيلەر ەكەۋىن تاريحي وتانى - پاكىستاندا جاسىرىنۋى مۇمكىن ەكەنىن ايتادى. سونداي-اق ولار قىزدىڭ اكەسىنە تۋىس بولىپ كەلەتىن 10 تۋىسقانى قاماۋعا الىنعانىن مالىمدەدى. ولاردىڭ اراسىندا قىزدىڭ اتاسى مەن نەمەرە باۋىرلارى دا بار.
پوليتسەيلەر 41 جاستاعى ۋرفان شاريف پەن ونىڭ جۇبايى بەيناش باتۋل، اعاسى فەيسال مالىك قىزدىڭ ءمايىتى تابىلعان بويدا پاكىستانعا قاشىپ كەتكەن دەگەن بولجام جاساعان.
الايدا، تۋىستارى مۇنىڭ ءبارى كەزدەيسوق جاعداي ەكەنىن ايتادى.
turkystan.kz