موڭعولياداعى بۇركىتشىلەر فەستيۆالىنە 10 نان استام ەلدەن تۋريستەر جينالدى
فەستيۆالگە موڭعوليانىڭ بايان-ولگەي، سەلەنە جانە تۋۆ اۋماقتارىنان 17-69 جاس ارالىعىنداعى 19 ساياتشى قاتىسىپ وتىر. ءىس-شارانى تاماشالاۋعا 10 مىڭ ادام، سونىڭ ىشىندە وننان استام ەلدەن تۋريستەر جينالعان.
مونسامە اگەنتتىگىنىڭ مالىمەتىنشە، فەستيۆال ناۋرىز مەيرامى قارساڭىندا وتكىزىلىپ وتىر. ماقساتى - قازاق حالقىنىڭ سالت-ءداستۇرىن، مۇراسى مەن مادەنيەتىن تانىتۋ، ونى جاستارعا دارىپتەۋ، سونداي- اق تۋريستەردى تارتۋ، بوس ۋاقىتتى دۇرىس وتكىزۋدى قالىپتاستىرۋ.
ونىمەن قوسا، شارا بارىسىندا بۇركىتتەر شەرۋى وتەدى - ادەمى ابزەلدەرمەن بەزەندىرىلگەن اتقا قونعان ۇلتتىق كيىمدەگى ساياتشىلار قولدارىنا بۇركىت ۇستاپ شىعادى. بۇدان بولەك، قىران قۇسپەن بالىق اۋلاۋ، ەڭ اقىلدى قۇستى انىقتاۋ بايقاۋى، قازاقتىڭ ۇلتتىق ويىنى - كوكپار ۇيىمداستىرىلادى.
موڭعوليادا قىران قۇستار فەستيۆالى جىلىنا ەكى رەت - كوكتەمدە جانە كۇزدە وتكىزىلەدى.
بىلتىر اتالعان ەل ۇكىمەتى 2023 جانە 2024 -جىلداردى موڭعولياعا ساياحاتتاۋ جىلى دەپ جاريالادى. بۇركىتشىلەر فەستيۆالى پاندەميادان زارداپ شەككەن تۋريستىك سەكتوردى دامىتۋعا باعىتتالعان 90 نان استام ءىس-شارا تىزىمىنە ەنگىزىلگەن.